Evakuohet një postë në Gjermani nga frika e sulmeve kimike

Hapësirat e “Deutsche Post” në qytetin e Bergheim në Gjermaninë Perëndimore janë evakuuar të premten, pasi nga një pako postare e dyshimtë ka shpërthyer një “pluhur i bardhë”, sipas mediave gjermane.

Siç njoftojnë mediat nga Berlini, policia po heton pakon e dyshimtë nëse pluhuri mund të përmbajë toksina antraks.

Incidenti dhe paniku në mesin e të punësuarve dhe qytetarëve ka ndodhur kur një punëtor postar hapi në mëngjes një paketë postare.

Menjëherë pas incidentit dolën në terren zjarrfikësit dhe ekspertët kimistë nga Këln dhe Essen. Ekipet mjekësore kontrolluan pesë punonjës në zyrën postare dhe kontaminimi i mundshëm kimik duhet të përcaktohet gjatë hetimeve të mëtutjeshme.