albinfo.ch
Kultura
“Doruntina” merr çmimin e festivalit Secondotheaterfestival në Cyrih
“Doruntina” gjatë gjithë festivalit nga njohësit e teatrit është vlerësuar si shfaqje favorite ndërsa edhe shfaqja gjermane, sidomos në saje të tematikës (migracioni) ka qenë në të njëjtën shkallë
Në mbrëmjen e fundit të Festivalit të teatrove “Secondotheaterfestival” që u mbajt në Cyrih, pas shfaqjes së fundit në konkurrencë garash “Sapon Blu” u nda edhe çmimi i festivalit. Drama “Doruntina”, koproduksion në mes të Teatrit “Oda” të Prishtinës dhe atij “Blessed Unrest” ka ndarë çmimin e parë me shfaqjen “Fuck you Europa, fuck you “Moldowa”, të teatrit “Gorki të Berlinit.
Një juri e përbërë nga pesë njerëz të teatrit, kryesisht regjisorë zviceranë, ka kumtuar se pas një shqyrtimi të thellë të katër shfaqjeve që ishin në konkurrencë për shpërblim, kanë marrë një vendim jo shumë të zakonshëm: çmimin e festivalit e kanë ndarë për dy shfaqjet më të mira, të përmendura më lartë.
“Doruntina” gjatë gjithë festivalit nga njohësit e teatrit është vlerësuar si shfaqje favorite ndërsa edhe shfaqja gjermane, sidomos në saje të tematikës (migracioni) ka qenë në të njëjtën shkallë.
albinfo.ch ka qenë sponsor medial i festivalit dhe ka mbuluar për lexuesit të gjitha zhvillimet e shumta që e kanë karakterizuar atë.
Në krye të festivalit dhe themeluese e tij është Gjyle Julie Krasniqi.
Shfaqja “Doruntina” është dhënë dy mbrëmje radhaz dhe ka pasur një publik shumë të madh, me mbizotërim të publikut shqiptar. Në mbrëmjen e parë, më 28 nëntor, në kuadër të programit përcjellës “Aroma e bukës” është organizuar një darkë shqiptare. Me këtë rast është demonstruar gatimi i specialitetit shqiptar, flisë e cila pastaj është konsumuar nga të pranishmit.
albinfo.ch nesër do të prezantojë deklarimet ekskluzive të bartësve të festivalit dhe atyre të trupës së teatrit “Oda” nga Prishtina.
Fotogaleri nga shfaqja “Doruntina”
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Kandidati për eurodeputet, Lukas Mandl vizitoi meshën shqipe në Vjenë Lukas Mandl falënderoi komunitetin shqiptarë në Austri që po e mbështesin gjatë këtij rrugëtimi në ...
-
Bildungskarenz: Çfarë duhet të dini për marrjen e fondeve shtetërore austriake për arsimim të mëtejshëm?
-
Muttertag: Si e feston Austria Ditën e Nënës?
-
Çfarë duhet të dini për supermarketet në Austri?
-
Çfarë lejohet të bëjnë fëmijët vetëm sipas ligjit austriak?