DEZA mbështet sektorin civil në Maqedoni

Dymbëdhjetë organizatat joqeveritare në Maqedoni kanë marrë ndihmë nga Agjencia Zvicerane për Zhvillim (DEZA-DDC)

Kjo agjenci duke mbështetur programin “Civica Mobilitas” i cili implementohet nga Qendra për Zhvillim institucional CIRa ka akorduar fonde për organizata që siç thuhet “kanë për synim të ndikojnë për ndryshime pozitive si dhe një zhvillim më të përgjithshëm të shoqërisë”.

Organizatat që morën mbështetje janë thuajse nga gjithë Maqedonia me çka synohet që mbështetja për organizatat civile të jetë e përhapur në gjithë vendin.

Për veç granteve të dhënë disa ditë më parë, projekti Civica Mobilitas që mbështet nisma të ndryshme nga organizata joqeveritare për vitin 2011, ka akorduar rreth 1 milion euro. Projekt ky i mbështetur direkt nga DEZA-DDC, e cila në janar të këtij viti akordoi fonde edhe për 26 organizata të tjera.

Kjo agjenci në Maqedoni me projektet për mbështetje të sektorit civil ka qëllim  përforcimin dhe qëndrueshmërinë e organizatave joqeveritare. Por DEZA-DDC është prezent në Maqedoni që në vitin 1992 duke mbështetur vendin në periudha të caktuara që janë konsideruar si procese delikate.

Fokusi i mbështetjes ka të bëjë me Zbatimin e Ligjit dhe Demokracinë si dhe Ujërat dhe Mjedisi

Pikërisht në aktivitetet që kanë të bëjnë me zhvillimin e demokracisë janë edhe ato që përkrahin sektorin civil por ka pasur edhe të tjera që kanë të bëjnë me decentralizimin apo rreth të kuptuarit të procedurave të miratimit të ligjeve.

Agjencia Zvicerane për Zhvillim e konsideron si të rëndësishme përkrahjen rreth nismave për mjedisin sidomos për ujërat dhe mbrojtjen e natyrës. Fokusi në Maqedoni për këtë dimension të ndihmës zvicerane ka qenë për menaxhimin e ujërave të zeza dhe industriale por dhe për mbrojtjen e biodiversitetit.

Vëzhguesit të sektorit civil, por edhe vetë organizatat që kanë marrë mbështetje thonë se përkrahja që vjen nga DEZA-DDC është e konsiderueshme dhe me përfitime për Maqedoninë dhe qytetarët e saj.