Cyrih:Rezultate të ngushta për dhe kundër iniciativës së SVP-UDC

Rezultatet e para flasin të jenë tepër të ngushta pro dhe kundër iniciativës së SVP-UDC-së , në Kantonin e Zürichut. Nga votimi për iniciativën e dëbimit nga Zvicra të të huajve me dosje kriminale, deri ora 12:30, sipas Entit Kantonal Statistikor, 49,9 përqind i kanë thënë po iniciativës ndërsa  50.1 për qind janë kundër iniciativës në fjalë. Ndërsa për kundër-projektin, rezultatet e para flasin se 49.4 janë për, ndërsa kundër  kanë votuar 50.06 për qind të votuesve.

Ndryshe, iniciativa për taksapaguesit e pasur në Zvicër sipas trendit të deritanishëm të votimit, sipas gjitha gjasave nuk do të votohet në Cyrih. Deri më tani i kanë thënë 58 për qind të zviceranëve jo iniciativës, ndërsa vetëm 42 për qind të votuesve kanë votuar për iniciativën.