Lajme
Çereku i ish-deputetëve kosovarë, pa asnjë cent në bankë
Në mesin e ish- deputetëve të cilët kanë deklaruar se nuk kanë para të gatshme në bankë, është edhe kandidati për kryeministër nga Lëvizja Vetëvendosja, Albin Kurti dhe kryetari i partisë NISMA, Fatmir Limaj
Janë 33 deputetë të Kuvendit të Kosovës nga legjislatura e kaluar, që kanë deklaruar se nuk kanë asnjë “metelik” në bankat kosovare. Kështu të paktën kanë deklaruar ata vet, në Agjencinë Kundër Korrupsionit me rastin e deklarimit të pasurisë së tyre, që është obligim për secilin zyrtar shtetëror në Republikën e Kosovës.
Në mesin e ish- deputetëve të cilët kanë deklaruar se nuk kanë para të gatshme në bankë, është edhe kandidati për kryeministër nga Lëvizja Vetëvendosja, Albin Kurti dhe kryetari i partisë NISMA, Fatmir Limaj.
Po ashtu “fukara” janë deklaruar edhe deputeti i Vetëvendosjes dhe ish- oficeri i UÇK-së, Rexhep Selimi, Pal Lekaj-ish kryetari i Gjakovës, Agim Çeku –ish-komandanti i UÇK-së dhe TMK-së, etj.
Në deklarimin e pasurisë në Agjencinë Kundër Korrupsion, nga të gjitha grupet parlamentare të legjislaturës së kaluar, janë 33 deputetë të cilët kanë deklaruar se nuk kanë para të gatshme në llogaritë e tyre, ose të paktën ato nuk i kanë deklaruar në formularët e pasurisë, citon lajmi.net.
Nga PDK janë shtatë ish-deputetë të cilët kanë deklaruar se nuk kanë para të gatshme: Agim Çeku, Shaip Muja, Ganimete Musliu, Flora Brovina, Fadil Beka, Luljeta Veselaj-Gutaj dhe Emilija Redzepi. Ndërsa nga LDK janë: Melihate Tërmkolli, Teuta Rugova, Njomza Emini, Blerim Grainca, Kimete Bytyqi dhe Etem Arifi.
Nga Vetëvendosje janë pesë ish-deputetë, përfshirë të nominuarin për kryeministër, Albin Kurti, më pas Rexhep Selimi, Aida Dërguti, Donika Kadaj-Bujupi dhe Mytaher Haskuka.
Nga AAK janë tre ish-deputetë të cilët kanë deklaruar se nuk kanë para të gatshme: Pal Lekaj, Bali Muharremaj dhe Teuta Haxhiu. Po, kaq ish-deputetë janë edhe nga NISMA, duke nisur nga kryetari Fatmir Limaj, si dhe dy deputetët tjerë: Zafir Berisha dhe Enver Hoti.
Në grupin e Listës Serbe janë pesë ish-deputetë që kanë deklaruar se nuk kanë para të gatshme. Ata janë: Nenad Rasiq, Adem Hodza, Sasa Milosavljeviq, Jasmina Zhikoviq dhe Milka Vuletiq. Nga Grupi 6+ janë: Kujtim Paçaku, Danush Ademi dhe Çerim Bajrami. Po ashtu edhe ish-deputeti Gëzim Kelmendi ka deklaruar se nuk ka para të gatshme.
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Austri
-
80 vjedhje, 560 mijë euro dëm: Arrestohen katër shqiptarë në Austri Sipas policisë, në shumicën e vjedhjeve të banesave, viktimat kanë qenë të pranishëm dhe në gjumë...
-
Austri: Ministri i Brendshëm kërkon dëbimin në Kosovë të kriminelëve nga vendet e treta
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
Çfarë është e hapur dhe çfarë është e mbyllur në “Ditën e Ngjitjes” në Austri?
-
Përmbledhje e lajmeve më të fundit për sot në Austri