Biletë treni falas për të njohur më mirë Evropën

Synimi është që të rinjve evropianë t‘u jepet mundësia të njihen me njëri-tjetrin e të njohin Evropën për të zhvilluar një marrëdhënie më të mirë me BE-në

Bashkimi Evropian do të dhurojë një biletë për të rinjtë evropianë që mbushin 18 vjeç. Sipas vullnetit të Parlamentit Evropian, së shpejti çdo të riu që mbush 18 vjeç i dhurohet një biletë interail, për të udhëtuar me tren në Evropë. Parlamentarët Evropianë i kërkojnë Komisionit një vendim për të vënë në jetë këtë ide.

Fondet do të vijnë nga BE-ja, llogaritjet flasin për 1 miliard euro shpenzime. Synimi është që të rinjve evropianë t‘u jepet mundësia të njihen me njëri-tjetrin e të njohin Evropën për të zhvilluar një marrëdhënie më të mirë me BE-në.

Një ofensivë për të fituar zemrat e të rinjve apo investim në të ardhmen? Të rinjtë evropianë i thonë Deutsche Welle-s se ideja është e shkëlqyer, përcjell albinfo.ch.