Barcelona organizon kampe futbolli në Kosovë

Kampionia e Spanjës, Evropës dhe botës, Barcelona do të organizojë kampe edhe në Kosovë. Lajmi është bërë i ditur në faqen zyrtare të skuadrës katalunase, raporton KTV, përcjell albinfo.ch.

Në këtë kamp mund të stërviten fëmijët në dy konkurrencat prej moshës tetë deri në 16 vjet, ndërsa vetëm 250 fëmijë do të pranohen. Ky kamp do të mbahet në fund të muajit maj.

Kampi është paraparë që të mbahet në fushat e KF KEK-ut në Kastriot, teksa lojtarët më të mirë të kampit do të kenë mundësi që vitin e ardhshëm të qëndrojnë një javë në hapësirat e Akademisë së Barcelonës në Spanjë.