Muzikë

Balerini shqiptar triumfon në Itali, fiton kampionatin

E mërkurë, 21 Korrik 2021 - 15:20 albinfo.ch

Aldoen Losha është adoleshenti shqiptar që ka rrëmbyer zemrat e publikut italian me talentin e tij në kërcim. I riu dhe partnerja e tij, Aurora Della Maggiona, kanë fituar Kampionatin italian të Vallëzimit Standard në kategorinë 14/15 vjeç, transmeton albinfo.ch.

Theksohet se përballë 12 çifteve në garë, ata arritën të rrëmbejnë çmimin e parë në evenimentin e zhvilluar në Palazzetto dello Sport në Rimini, ku morën pjesë artistë nga i gjithë rajoni.

Vlen të cekët se teksa ndan detaje nga gara, Aldoeni dhe vajza italiane treguan gjatë një lidhjeje me Skype në emisionin “Abc-ja e mëngjesit” se pasioni për kërcimin ka nisur nga prindërit e tyre. Aldoeni shtoi, ndër të tjera, se qëllim i tij është kampionati botëror. /Albinfo.ch