Integrimi
Autorja shqiptare i prezanton publikut zviceran librin e saj mbi Kosovën
Prezantimi i librit "Bleibende Spuren" mbahet të premten, 2 Tetor, në orën 19:00, Biblioteka e Qytetit, St.Gallen

Të Premten, 2 Tetor, në orën 19:00, Biblioteka e Qytetit St.Gallen organizon një lexim publik me Basrie Sakiri-Muratin, autoren shqiptare të librit në gjuhën gjermane “Bleibende Spuren” (Gjurmë të përhershme).
Këtë njoftim, bashkë me një portret të autores nga Kosova, e cila prej shumë vitesh jeton në Zvicër, e ka publikuar portali nau.ch.
“Basrie Sakiri-Murati u politizua shumë herët. Si nxënëse e shkollës së mesme, në fund të viteve 1980, ajo ishte e përkushtuar për një “Republikë të Kosovës”, transmeton albinfo.ch.
Këto ishin kohë të trazuara kur kishte protesta të vazhdueshme kundër qeverisë serbe, e cila u përgjigjej me dhunë.
Aktivistët politikë janë përballur me përndjekje, burgosje dhe tortura. Edhe autores së këtij libri i qe dashur të fshihej bashkë me ilegalë të tjerë për javë të tëra, pranë bashkëveprimtarëve ose në pyll.
Kur situata u bë tepër kërcënuese, asaj iu desh të ikte: në Zvicër – shumë larg shtëpisë, familjes dhe të gjithë miqve të saj.
albinfo.ch vitin e kaluar ka zhvilluar një intervistë të zgjeruar me zonjën Sakiri-Murati.
Libri i saj “Bleibende Spuren – ein Weg vom Kosovo in die Schweiz» (Gjurmë të përhershma – Rruga ime nga Kosova në Zvicër), botuar në vitin 2019, bazohet në ditarin që ajo mbante asokohe në Kosovë.
Në pjesën e dytë të librit, Sakiri-Murati tregon për jetën e saj në Zvicër, transmeton albinfo.ch. Është një raport prekës, i butë, por ndonjëherë edhe i zemëruar rreth një jete midis dy botëve, dy kulturave.
Autorja lexon pjesë nga libri i saj në dhomën e letërsisë dhe flet me ndëmjetësen letrare Eva Bachmann lidhur me prapavijën e librit. Hyrja është falas.
Basrie Sakiri-Murati ka lindur në Kosovë në vitin 1971. Në qershor të vitit 1989 ajo ka emigruar në Zvicër për shkak të aktiviteteve politike.
Sot ajo punon si përkthyese e akredituar për autoritetet gjyqësore dhe institucione të ndryshme shoqërore dhe gjithashtu si asistente e praktikës mjekësore, përcjell albinfo.ch. Basrie Sakiri-Murati jeton me dy fëmijët e saj në Bernë.
Biografi e shkurtë:
- Emri e mbiemriBasrie Sakiri-Murati
- Prejardhja:Kosovë
- Vendi ku vepron:Bernë-Zvicër
- Profesioni:Shkrimtare
Të ngjashme
Të tjera nga Integrimi
E-Diaspora
-
“Kaos” në SPÖ të Austrisë: Babler, tashmë kryetar i ri i partisë Rezultati i zgjedhjeve për kryetarin e Partisë Socialdemokrate është përmbysur. Andi Babler është shefi i ri...
-
Arkitekti dhe inxhinieri: dy vëllezërit në krye të FF Partner AG
-
I riu shqiptar humb vetëdijen në aeroplanin e linjës Prishtinë -Vjenë
-
Hapet në Vjenë ekspozita “Mirë se vini në tavolinë”
-
“Vatra” kërkesë Kosovës, zbatoni ato që thotë SHBA-ja
Jeta në Austri
-
“Kaos” në SPÖ të Austrisë: Babler, tashmë kryetar i ri i partisë Rezultati i zgjedhjeve për kryetarin e Partisë Socialdemokrate është përmbysur. Andi Babler është shefi i ri...
-
I riu shqiptar humb vetëdijen në aeroplanin e linjës Prishtinë -Vjenë
-
Donis Avdija shkëlqen në Austri, tri skuadra gjermane kërkojnë rikthimin e tij
-
Austria thyen rekordin e rritjes së popullsisë
-
Hapet në Vjenë ekspozita “Mirë se vini në tavolinë”