Amerikanët konfirmojnë përkrahjen për vendosjen e doganierëve në veri

SHBA mbështet rivendosjen e lëvizjes së lirë dhe shfaq mospajtimin për barrikadat dhe bllokimin e mallrave të Kosovës 　

Departamenti Amerikan i Shtetit ka konfirmuar edhe një herë përkrahjen e vendosjes së doganierëve të Kosovës në pikat kufitare　 në veri.

DASH-i e ka paraqitur këtë qëndrim në Këshillin e Përhershëm të OSBE-së në Vjenë.

“Kosova është shtet sovran. Prania e nëpunësve doganorë të Kosovës në kalimet kufitare është në përputhje të plotë me ligjin ndërkombëtar. Prania e nëpunësve doganorë të Kosovës përkrah nëpunësve të EULEX-it në kalimet kufitare në veri është një reflektim i procedurave normale doganore për kalimet kufitare ndërkombëtare”, thuhet në qëndrimin e Qeverisë së SHBA-së.

SHBA-ja kanë mbështetur edhe rivendosjen e lëvizjes së lirë të njerëzve dhe mallrave, mirëpo shfaq mospajtimin për barrikadat dhe bllokimin e mallrave të Kosovës.