Alkooli në punë “i kushton” Zvicrës 1 miliard franga

Të punësuarit që punojnë nën ndikimin e alkoolit shkaktojnë dëme që llogariten në një miliard franga. Këtë përfundim e ka nxjerrë Enti Federal për Shëndetësi dhe SUVA (Zyra për Sigurimin nga Aksidentet) përmes një hulumtimi që është publikuar sot.

Dëmet në fjalë kanë kryesisht të bëjnë me faktin se punëtorët që konsumojnë alkool janë më pak produktivë por edhe me faktin tjetër se ata mungojnë më shpesh në punë dhe aksidentohen më shpesh.

Fushat që më së shpeshti pësojnë nga alkooli në punë janë hotelieria dhe ndërtimtaria ndërsa më pak janë të goditura administrata publike dhe arsimi.

Për këtë hulumtim janë pyetur përgjegjësit e personelit në 1300 firma të ndryshme zvicerane, njofton drs.ch.