AKP-ja shpallë valën e 51 të privatizimit

Agjencia Kosovare e Privatizimit ka shpallur valën 51 të privatizimit të Ndërmarrjeve Shoqërore, të cilat tenderohen për privatizim.

Lista e tenderëve për privatizim për valën 51 përmban 30 Ndërmarrje Shoqërore, prej të cilave janë krijuar 42 Ndërmarrje të Reja.

Të gjitha këto Ndërmarrje të Reja do të privatizohen përmes Spin off-it të rregullt.

Afati i fundit për parakualifikim do të jetë dita e mërkurë, 10 gusht 2011.

Dita për dorëzimin e ofertave do të jetë më 17 gusht 2011, nga ora 10:00 deri në orën 12:00, kurse hapja e ofertave do të bëhet po të njëjtën ditë duke filluar nga ora 12:30.