Aeroporti i Prishtinës në duart e turqve

Aeroporti i Prishtinës edhe zyrtarisht ka kaluar sot në menaxhim të Konserciumit Turko-Francez, Limak dhe Aeroport de Lyon MAS

Udhtarët e aviokompanisë “Adria Airwyas”, të cilët vinin nga Mynhen i Gjermanisë, u shpërblyen nga konserciumi me dhuratat e para dhe patën fatin të jenë pjesë e një kokteji rasti, ku u pre dhe një tortë si simbolikë e kalimit të kompetencave.

Menaxhmenti i ri i aeroportit është zotuar se do t‘i përmbush të gjitha obligimet ndaj Aeroportit.

„Do ti përmbushim të gjitha obligimet ndaj Republikës së Kosovës dhe të kompletojmë marrjen e kompetencave. “Ne do të jemi si një ekipe duke punuar për një sukses dhe vazhdim të projektit”, tha Drejtori i kompanisë LIMAK për Kosovë Mertol Genç.

Drejtori i deritanishëm i ANP, Agron Mustafa, tha se është projekti i parë madhor në Kosovë i partneritetit publiko-privat , i cili për më tepër do të rezultojë shumë i suksesshëm për shkak se mbrapa saj është një kompani e madhe dhe e fuqishme financiarisht si Limak dhe Airport de Lion MAS.

Ai tha se ANP-ja është në gjendje shumë të mirë financiare dhe me perspektivë të sigurt në kohën kur po ndodhë transferimi i kompetencave menaxhuese në duart e një kompanie private.

Aeroportit Ndërkombëtar i Prishtinës është dhënë me kocension për 20 vitet e ardhshme, ku parashihet që të modernizohet dhe të zgjerohet në 25 mijë metra katrorë, nga investimet prej mbi 100 milionë euro që do të kryejë kompania Limak – Aeroport De Lyon MAS.

Ndërkohë dje ka përfunduar nënshkrimi i kontratave i të gjithë të punëtorëve me koncesionerët. Kontratat kanë validitet prej tre vjetësh, ndërsa nuk janë lëkundur rrogat. Por, pas kësaj periudhe, nuk dihet se çfarë do të ndodhë dhe nëse koncensioneri është i obliguar t’ua vazhdojë kontratat punëtorëve.

Po ashtu koncensioneri do të ndërrojë edhe strukturën menaxheriale dhe mban të drejtën e sistemit të punëtorëve.