1.1 miliard për kulturën deri në vitin 2020

Kulturës zvicerane  do t`i rritet subvencionimi me mjete plotësuese financiare gjatë pesë viteve në vijim. Këtë e ka vendosur sot Dhoma e Kantoneve e Parlamentit të Zvicrës, duke miratuar mesazhin kulturor për periudhën 2016-2020.

Për promovimin e kulturës, në bazë të këtij “mesazhi” janë paraparë 1.1 miliard franga, ku është përfshirë edhe rritja e miratuar sot prej 7.5 milionë franga në vit, në krahasim me periudhën e deritashme.

Si zakonisht, mbështetjen më të madhe financiare e fiton filmi zviceran, me 254 milionë franga. Ndërsa në vendin e dytë për nga shuma e subvencionimit është fondacioni i madh kulturor Pro Helvetia, për të cilin për periudhën e përmendur janë paraparë 211 milionë franga.