Zviceranët, me shumicë pro martesave brenda gjinisë së njëjtë

Martesa në mes të çifteve të gjinisë së njëjtë në Zvicër, nëse merret për bazë disponimi aktual i popullatës, do të kishte shanse të mira të futej në ligj. Dy sondazhe të realizuara së fundi nga Instituti për Hulumtimin e Opinionit, “Léger” e tregojnë këtë.

Por ato tregojnë po ashtu edhe dallimin lidhur me këtë çështje që ekziston në mes të dy regjioneve gjuhësore të Zvicrës. Në Zvicrën gjermane, nga 1010 të anketuar, në favor të martesave homoseksuale janë shprehur 54 për qind. Prej tyre, te meshkujt shkalla e pranimit ka qenë 46% dhe 62% te femrat.

Nga ana tjetër, në Zvicrën frankofone, pro martesave brenda një gjinie shprehen 71% të të anketuarve. Edhe këtu te femrat shkalla e aprovimit të këtyre martesave është më e lartë se te meshkujt. Femrat e pranojnë këtë lloj bashkësie në 77 për qind të ratsve ndërsa meshkujt në 64%.