Ministri më i pasur në Kosovë

Ai ka deklaruar se ka dy kredi për t'i shlyer, një në vlerë 15 mijë euro dhe një tjetër në vlerë 5 mijë euro. Ndërsa ka deklaruar po ashtu një kredi në vlerë mbi 28 mijë euro në emër të gruas

Ministri i Punëve të Brendshme i Kosovës, Xhelal Sveçla, e ka deklaruar pasurinë në Agjencinë për Parandalimin e Korrupsionit.

Ai llogaritet të jetë ministri më i pasur në Qeverinë Kurti 2.

Sveçla ka deklaruar se ka një shtëpi të përbashkët që ka vlerë 600 mijë euro dhe po ashtu edhe një lokal në vlerë të 650 mijë eurove, transmeton albinfo.ch.

Ai gjithashtu është aksionar me bashkëshorten e tij në ordinancën stomatologjike “Dental Advanced Services, Dhomi”, i cili kap vlerën e 100 mijë eurove.

Para të gatshme Sveçla bashkë me gruan kanë deklaruar rreth 8,400 euro.

Ministri i Brendshëm ka edhe detyrime financiare ndaj bankave komerciale.

Ai ka deklaruar se ka dy kredi për të shlyer, një në vlerë 15 mijë euro dhe një tjetër në vlerë 5 mijë euro. Ndërsa ka deklaruar po ashtu një kredi në vlerë mbi 28 mijë euro në emër të gruas.

Pagën vjetore si ministër e ka deklaruar në vlerë 16 mijë e 630 euro, derisa mëditje nga udhëtimet ka pranuar 2 mijë e 280 euro.

 

---