Transporti publik në Zvicër: Nuk pritet rritje e çmimeve për 2025

Vendimi është marrë nga Këshilli Strategjik i Aleancës Swisspass. Rritja e numrit të pasagjerëve ka bërë të mundur lehtësimin e barrës financiare për kompanitë e transportit publik në afat të shkurtër

Nuk priten rritje tarifash në sektorin e transportit publik (TP) për vitin e ardhshëm: pas rritjes së numrit të udhëtarëve, Alliance SwissPass njoftoi sot se nuk ka ndërmend të rrisë çmimet e shërbimit kombëtar direkt në vitin 2025. Rritja e numrit të pasagjerëve ka bërë të mundur lehtësimin e barrës financiare për kompanitë e transportit publik në afat të shkurtër, thuhet në shënim, transmeton albinfo.ch.

Vendimi është marrë nga Këshilli Strategjik i Aleancës Swisspass në mbledhjen e 22 marsit të këtij viti. Organizata i ka vendosur vetes objektivin për të promovuar kalimin nga transporti privat me motor në transportin publik falë ofertave tërheqëse, duke u fokusuar në një përdorim më të thjeshtë dhe më të qëndrueshëm të transportit publik.

Alliance SwissPass lindi nga bashkimi i Shërbimit Kombëtar Direkt (SDN) dhe komuniteteve rajonale të tarifave. Është një organizatë e sektorit të transportit publik që bashkon 250 kompani transporti dhe 17 komunitete dhe operon në shkallë kombëtare.

---