Gërvalla thirrje ndërkombëtarëve: Pranojeni se politika e zbutjes ndaj Serbisë ka dështuar

Ministrja e Punëve të Jashtme e Kosovës ka reaguar pasi ministri i Punëve të Brendshme, Xhelal Sveçla, publikoi identitetin e një prej të vrarëve të 24 shtatorit nga grupi i terroristëve, e që është Bojan Mijailoviq, truproja e shefit të BIA-s serbe, Aleksandar Vulin.

Gërvalla i ka bërë thirrje komunitetit ndërkombëtar që ta pranojë se politika e zbutjes ndaj Serbisë ka dështuar.

Ajo ka shkruar në Twitter se nevojitet një ndryshim thelbësor, përcjell Albinfo.ch.

”I bëj thirrje komunitetit ndërkombëtar të pranojë se politika e zbutjes ndaj Serbisë ka dështuar. Nevojitet një ndryshim thelbësor. Regjimi i Vuçiqit përbën një kërcënim për paqen dhe stabilitetin e Evropës. Këtë herë, ne nuk mund të përballojmë t’i kthehemi biznesit si zakonisht“, ka shkruar ajo në Twitter./Albinfo.ch