Takim me veprën letrare të Arbër Ahmetajt, në Cyrih

Aktiviteti mbahet në ambientet e Bibliotekës "Pestalozi" të Cyrihut, duke filluar në orën 16.00

Në kuadrin e aktiviteteve letrare që po organizon Shoqata e Krijuesve Shqiptarë të Zvicrës me seli në Cyrih, këtë të shtunë, më 24 shtator mbahet takimi letrar me krijuesin, Arbër Ahmetaj.

“Takim me veprën letrare të Arbër Ahmetaj” është aktiviteti i radhës që mbahet në ambientet e Bibliotekës “Pestalozi” të Cyrihut, duke filluar në orën 16.00.

Ahmetaj është një krijues i njohur që shkruan në poezi dhe në prozë. Ai është mjaft i pranishëm në jetën tonë letrare, si në Zvicër ashtu dhe në Shqipëri dhe në Kosovë. Është autor i një numri të konsiderueshëm librash që kanë ngjallur interesimin e lexuesit dhe kritikës.

Jeton në kantonin Valis të Zvicrës ku punon si farmacist.

Adresa: Norastrasse 20, 8004 Zürich

---