Gjeneva dëshiron të kufizojë numrin e mjekëve

(KEYSTONE/Jean-Christophe Bott)

Kantoni i Gjenevës do të kufizojë numrin e mjekëve që mund të krijojnë praktikë në një përpjekje për të ulur kostot shëndetësore.

Këshilltari shtetëror, Mauro Poggia, thotë se Gjeneva ka dyfishin e mesatares kombëtare të mjekëve, bazuar në popullsinë.

Aktualisht kantoni lejon 2,150 pozicione me kohë të plotë. Ka përjashtime për specialistët, shkruajnë mediat zvicerane, përcjell albinfo.ch.

Disa thonë se masa do të jetë veçanërisht e padrejtë për mjekët e rinj, të cilët mund të mos jenë në gjendje të hapin një praktikë për shumë vite. Në Spitalin Universitar të Gjenevës aktualisht janë në trajnim rreth 600 mjekë.