Futboll
Shaqiri i bën befasi të këndshme tifozit të tij të sëmurë me kancer
Në korrik, Thompson mori një diagnozë që i ndryshoi jetën. Ai u diagnostikua me kancer dhe kështu nuk u lejua të ndiqte lojën e Shaqirit...
Xherdan Shaqiri i dërgon një video mesazh dhe një fanellë fansit të tij të madh, Rick Thompson pasi ai, për shkak të sëmundjes së rëndë, nuk ishte në gjendje të shkonte për të parë lojën e idhullit të tij, transmeton albinfo.ch. Gëzimi i mbështetësit të Shaqirit ishte i pamasë.
Kupa e Botës 2018 e kishte bërë Rick Thompsonin një fans të madh të Xherdan Shaqirit. Amerikani ishte i lumtur kur Shaqi kishte kaluar në Liverpool, në klubin e preferuar të djalit të tij. Ndërsa kur Shaqiri vendosi të transferohej në Çikago këtë dimër, gëzimi i amerikanit ishte edhe më i madh, shkruan 20minuten.ch. E kuptueshme kjo pasi, në fund të fundit, lojtari i tij i preferuar tani ishte më afër se kurrë.
Kur u njoftua orari i ndeshjeve, Thompson e dinte tashmë se donte të ndiqte ndeshjen e klubit të Shaqirit (Chicago Fire) kundër Charlotte, më 6 gusht. Duke folur për uebsajtin e Chicago Fire, Thompson thotë: “Unë dhe djemtë e mi kishin planifikuar ta shikojmë ndeshjen së bashku”.
Por, në korrik, Thompson mori një diagnozë që i ndryshoi jetën. Ai u diagnostikua me kancer dhe filloi menjëherë trajtimin mjekësor. Kështu, ai nuk u lejua të marrë pjesë në ndonjë ngjarje të madhe, duke përfshirë këtu edhe lojën e Shaqirit dhe Çikagos kundër Charlotte.
Përfundimisht, ai u desh të “kënaqej” duke shikuar ndeshjen para televizorit. Megjithatë, familja e tij kontaktoi klubin Chicago Fire dhe përshkroi situatën, transmeton albinfo.ch. Klubi reagoi shpejt dhe i dhuroi Thompsonit një fanellë të firmosur nga Shaqiri. Pastaj vetë Shaqiri ka regjistruar një video-mesazh ku ai falënderon për mbështetjen dhe i uron Thompson shërim të shpejtë.
Familja e befasoi Thompsonin me fanellën dhe videon gjatë ndeshjes që po luhej në Çikago. Më pas ai tha: “Kjo më dha vërtet kurajo pasi, më parë, më kishte thyer zemrën onkologu im kur më tha të mos shkonim në lojë”.
Më pas Thompson ka ndjekur ndeshjen me familjen dhe fanellat e Shaqirit, përcjell albinfo.ch. “Zoti im, ai është pasuesi më i mirë që kam parë ndonjëherë. Në përgjithësi ishte një ditë e mrekullueshme. Fjalët nuk mund të shprehin se sa shumë do të thoshte e gjithë kjo për mua”.
Të ngjashme
Të tjera nga Futboll
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Austri
-
Një përmbledhje e lajmeve më të fundit në Austri Austria sheh rritje të papunësisë ndërsa ekonomia dobësohet, foshnja e vogël lëndohet pas rënies nga dritarja...
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?
-
Lajmet kryesore të Austrisë për këtë të enjte