Lajme

Firma e shqiptarit në Zvicër, e pranishme në panairin “Consumer Electronics”

Basri Shkodra, me firmën e suksesshme në Zvicër

E mërkurë, 6 Prill 2022 - 13:20 albinfo.ch

albbinfo.ch

“Smartycom AG”, është një firmë e njohur, e ndërmarrëit të suksesshëm shqiptar, në fushën e telekomunikimit, Basri Shkodra, në shtetin zviceran, që po merr pjesë në panairin më të madh në Zvicër “Cusomer electronil”, shkruan albinfo.ch.

Pas panairit të parë të suksesshëm “Home”, i cili u zhvillua në shtator 2021, “Home 22” do të zhvillohet sërish nga e diela, më 3 prill 2022, deri të mërkurën, më 6 prill 2022, në Sallën 550 në Cyrih-Oerlikon.

Me 7000 m2 hapësirë ekspozite, ka hapësirë të mjaftueshme për rreth 50 ekspozuesit e planifikuar. Panairi do të shoqërohet me leksione, kurse trajnimi dhe artikuj të tjerë të programit informativ.

“Smartycom” luan rolin kyç në tregun e Zvicrës, duke furnizuar mbi 5 % të popullatës zvicerane dhe është duke zgjeruar aktivitetin e saj edhe në Kosovë, Shqipëri dhe në Maqedoninë e Veriut.

Kështu është shprehur Basri Shkodra, themelues dhe drejtues i kësaj firme. Po ashtu ai ka qenë pjesë e drejtimit të një numri të madh të kompanive teknologjike.

Ai për Albinfo.ch tregon se firma e tij ka marrë reputacion të mirë në shtetin e Zvicrës, ku brendi si: Philips dhe Sony, kanë shpresë bashkëpunimi me firmën e shqiptarit në Zvicër. /Albinfo.ch