Futboll

Xhaka i bashkohet Romës javën tjetër

E mërkurë, 21 Korrik 2021 - 16:45 albinfo.ch
(KEYSTONE/Gian Ehrenzeller).

Futbollisti kosovar do ta lërë Arsenalin për t’iu bashkuar trajnerit Jose Mourinho në kryeqytetin italian.

Granit Xhaka është duke i kaluar ditët e fundit në fanellën e Arsenalit. Futbollisti kosovar pritet t’i bashkohet Romës javën e ardhshme. Për këtë siguron mediumi “Sky Sports”.

Madje, pritet që 28-vjeçari t’i bashkohet ekipit të ri në kampin stërvitor në Algarve të Portugalisë. Trajneri Jose Mourinho është i vendosur ta transferojë Xhakën në kryeqytetin italian. Graniti ka arritur marrëveshje personale me Romën. Edhe marrëveshja në mes të klubeve nuk është larg të arrihet.

 Të ngjashme

Nga Prishtina në Gjenevë: Romani i Apollonit flet frëngjisht

 Të tjera nga Futboll

Spalletti: Zhegrova meriton më tepër

 E-Diaspora

 Jeta në Austri