Top 10 qytetet më të shtrenjta për punëtorët e huaj, ku renditen ato zvicerane

Cyrihu, Gjeneva dhe Berna janë në Top 10 të qyteteve më të shtrenjta për puëntorët e huaj

Kryeqyteti i Turkmenistanit në Azinë Qendrore, Ashgabat është shpallur si qyteti më i shtrenjtë në botë për punëtorët e huaj.

Qytet me rreth një milion banorë, është ngjitur në vendin e parë në listën e hartuar nga kompania për konsulencë Mercer.

Në vendin e dytë është renditur, Bejruti në Liban, kurse i treti është Tokio e Japonisë.

Në top 10 nuk mungojnë qytetet zvicerane, madje janë tri, më së shumti nga një shtet. Cyrihu renditet në vendin e pestë, Gjeneva në vendin e tetë dhe Berna në vendin e dhjetë, shkruan albinfo.ch.

Raporti vjetor i kompanisë Mercer, rendit 209 qytete, duke u bazuar në shpenzimet për jetesë, duke përfshirë, banimin, transportin dhe ushqimin. Mercer ka thënë se ka analizuar më shumë se 200 mallra dhe shërbime teksa ka përpiluar raportin.

Top 10

Ashgabat

Hong Kong

Bejrut

Tokio

Cyrih

Shanghai

Singapore

Gjeneva

Pekini

Berna

---