Lajme

BB: Deri në 8.8 % tkurrje ekonomike në Kosovë këtë vit

E mërkurë, 7 Tetor 2020 - 16:00 albinfo.ch

Ekonomia e Kosovës pritet të tkurret deri në 8.8 për qind këtë vit, sipas parashikimit më të ri për ekonominë në rajonin Evropë dhe Azi Qendrore, të publikuar sot nga Banka Botërore.

Në njoftimin në Facebook nga BB, theksohet se pandemia COVID-19 ka shkaktuar rënie në eksportin e shërbimeve dhe zvogëlim të investimeve dhe konsumit.

“Qeveria është përgjigjur shpejt, duke siguruar përkrahje për firmat dhe punëtorët, megjithatë punësimi pritet të ulet, ndërsa varfëria të rritet. Remitencat në rritje pritet të zbusin ndikimin e tkurrjes ekonomike. Rimëkëmbja pritet të jetë më e ngadalshme se sa është parashikuar më herët, meqenëse pandemia po zgjat më shumë se sa pritej, duke penguar kështu rritjen ekonomike në vitin 2021”, theksohet në raport.

Tutje thuhet se si një ekonomi kryesisht e bazuar në shërbime, Kosova ishte veçanërisht e ndjeshme ndaj COVID-19.