Autobusi i postës zvicerane “për Baden” lëviz nëpër Prishtinë

“Në Kosovë kam parë shumë vetura të postës zvicerane me tabela të Kosovës, por asnjëherë nuk kam parë të udhëtoj në drejtim të Badenit”, ka thënë kosovari për gazetën “Blick”

Një rast interesant është vënë re nga një qytetar kosovaro -zviceran B.M. i cili derisa ishte për vizitë familjare në Kosovë, kishte parë një autobus të postës zvicerane me tabela të Kosovës duke lëvizur nëpër Prishtinë, por që mbishkrimi në xhamin e përparme kishte drejtimin Baden via Stetten, vende këto në kanton Aargau në Zvicër.

“Në Kosovë kam parë shumë makina të postës zvicerane me tabela të Kosovës, por asnjëherë nuk kam parë që ato `të udhëtojnë` në drejtim të Badenit”, ka thënë kosovari për gazetën “Blick”, i cili ka dërguar edhe fotografitë në redaksi.

Çdo vit braktisën nga 100 vetura nga Posta e Zvicrës

Këtë e di edhe Urs Bloch, zëdhënës i njësisë së Autobusëve të Postës Zvicerane. Autobusët e verdhë janë tashmë jo diçka e rrallë të shihen jashtë Zvicrës: “ Mesatarja e jetëgjatësisë së veturave të Postës zgjatë 12 vjet”, thotë Bloch. “Pastaj ata shiten në drejtim të Evropës lindore, juglindore apo edhe për në Itali”, ka thënë ai. Sipas tij posta zvicerane braktis çdo vit nga 100 makina !

Në rrethana normale mbishkrimet që tregojnë drejtimet nga shkojnë autobusët, hiqen ose ndryshohen nga blerësit.

“Blick” raporton se Autobusë të verdhë me logon e postës zvicerane lëvizin edhe në Maqedoni, një i tillë është parë edhe në qytetin e Tetovës.

albinfo.ch