Lajme
Shkelje flagrante e të drejtave të punëtorëve
Në Kosovë ndodhë që punëtorët të mos i marrin pagat deri në shtatë muaj, ndërsa ka të tillë që nuk guxojnë të tregojnë për shkeljen e të drejtave. Sindikatat kërcënojnë me protesta
Papunësia e lartë mbi 30 për qind, ka ndikuar që punëtorët kosovarë shpeshherë të nëpërkëmbën nga punëdhënësit, madje duke ia vonuar pagat deri në shtatë muaj. Kështu të paktën konsideron Sindikata e Pavarur e Sektorit Privat të Kosovës, e cila ka publikuar të gjetura të shumta sa i përket raportit punëdhënës-punëmarrës.
Kryetari i Sindikatës së Pavarur të Sektorit Privat të Kosovës, Jusuf Azemi, ka raportuar para organeve të saj për punën që është bërë nga 1 shtatori i këtij viti e deri më sot.
Punëtorë që paguhen me vetëm 120 euro në muaj, punëtorë që nuk kanë marrë rrogë që shtatë muaj, por edhe punëtorë që nuk lejohen të formojnë sindikatat e tyre, janë këto çështje që ka shpjeguar kryetari i kësaj sindikate.
Dhe nga kjo periudhë, përmes një njoftimi për media, i Sindikatës së Pavarur të Sektorit Privat të Kosovës, bënë me dije se kjo sindikatë nga e hëna do të filloj me organizimin e protestave dhe grevave, nëpër kompani të ndryshme.
“Të hënën kjo sindikatë në bashkëpunim me shoqatën e punëtorëve teknik të “Omi Impex” në Qendrën Studentore do protestojnë gjatë orarit të punës në shenjë proteste pas mosngritjes së pagës, dhe kthimin e këtyre punëtorëve nën menaxhimin direkt të qendrës studentore”, thuhet në një njoftim për media.
Parregullsi, sipas kësaj Sindikate, janë gjetur edhe në Forcat e Sigurisë së Kosovës në Kazermën “Adem Jashari” , ku shërbimet teknike i kryen kompania “MSS”. Kjo kompani, siç thuhet, pesëmbëdhjetë punëtorët e saj i paguan me vetëm 120 euro pagë neto, e cila pagë është në kundërshtim të plotë me ligjin e punës dhe Marrëveshjen Kolektive.
“Ka punëtorë të kësaj kompanie që udhëtojnë edhe nga 30 km për të ardhur në punë, këta punëtorë nuk gëzojnë të drejtën e ushqimit, transportit e as të pushimit vjetor konform ligjit”, thuhet në njoftimin e tyre raporto “TG”.
Sipas kësaj sindikate, në Kosovë ka kompani që i frikësojnë punëtorët të bëjnë organizimin sindikal, pasi që nuk donë që ky mekanizëm ti zbuloj parregullsitë që bëhen në këto kompani.
“Kompania “Dervisholli”, dhe “Intereksi” nuk lejojnë themelimin e shoqatave edhe përkundër asaj se ne zyrtarisht kemi kërkuar nga pronarët që të ndihmojnë themelimin e sindikatave , pasi që e kanë obligim ligjor , të këto kompani janë vërejt parregullsi të skajshme në implementimin e ligjit”, thuhet më tutje në njoftim.
E për të pasur një zbatim të marrëveshjes kolektive, i Sindikatës së Pavarur të Sektorit Privat të Kosovës, beson se do të arrij që përmes protestave të ndryshojë këtë gjendje, dhe nga 1 janari 2015, të fillojë zbatimi i plotë i marrëveshjes kolektive.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj