Mbledhja e UEFA-s, megjithatë sot pasdite, vendimi zyrtar nesër

albinfo.ch merr vesh nga burimet e saj se mbledhja megjithatë mbahet sot. Nesër (e premte) merret dhe shpallet vendimi

Edhe pse disa medie në Kosovë kanë publikuar lajmin se mbledhja e Uefa-s është shtyrë  për të premten, albinfo.ch merr vesh nga burimet e saj se ajo megjithatë mbahet sot. Nesër (e premte) merret dhe shpallet vendimi.

—-

Albinfo.ch mëson nga burimet në UEFA  se mbledhja për vendimin rreth lojës Serbi – Shqipëri do të mbahet sot pas dite, ndërsa vendimi final zyrtar do të merret ditën e nesërme. 

Si zakonisht me rastin e marrjes së këtyre vendimeve nuk do të ketë ndonjë ngjarje të organizuar për media, por vetëm një lajmërim në web faqen e organizatës evropiane të futbollit UEFA. 

Sipas burimit të albinfo.ch, mbledhja për këtë ndeshje do të mbahet pas dite. 

Federata Serbe e Futbollit do të hetohet për gjuajtje të gjësendeve në fushë, shqetësim nga turma, futja në fushë, për organizim të dobët dhe përdorim i laserëve. 

Ndërsa procedurat ndaj Federatës Shqiptare të Futbollit janë paraqitja e një baneri ilegal dhe refuzim që të vazhdohet  loja.