Kthehen kolonat në kufijtë e Kosovës

Burime nga rajoni i Gjilanit thonë se në pikëkalimin e Konçulit, kolonat janë të gjatë deri 2 kilometra

Ardhja e mërgimtarëve për t’i kaluar festat e fundvit në Kosovë, ka shkaktuar menjëherë kolona të gjata në vendkalimet kufitare Kosovë-Serbi. Burime nga rajoni i Gjilanit thonë se në pikëkalimin e Konçulit, kolonat janë të gjatë deri 2 kilometra.

Gazeta “Zëri” sjell imazhe nga rajoni i Konçulit, ku shihen kolona të gjata të 　automjeteve në pikën kufitare.

Ndryshe, secilën herë që vijnë bashkatdhetarët nga diaspora, në pikëkalimet kufitare me Serbinë, në Konçul dhe në Merdare, regjistrohen kolona të gjata. Madje mërgimtarë gjatë verës kanë pritur deri në 7 orë në kufi për ardhje dhe për dalje nga Kosova.

Policia e Kosovës ka njoftuar bashkatdhetarët se në shfrytëzim janë edhe dy pika të tjera kufitare, Mutivoda dhe Muçibaba, prandaj bashkatdhetarët mund t’i shfrytëzojnë edhe ato me qëllim që t’i ikin kolonave.