FSK institucioni më i besueshëm në Kosovë

Pas FSK-së radhiten zjarrfikësit me 65 për qind dhe KFOR-i me 62 për qind të besueshmërisë

Forca e Sigurisë së Kosovës (FSK) vazhdon të mbetet institucioni më i besueshëm nga qytetarët e Kosovës me 66 për qind. Pas FSK-së radhiten zjarrfikësit me 65 për qind dhe KFOR-i me 62 për qind të besueshmërisë.

Kështu është thënë u tha gjatë publikimit të edicionit të tretë të barometrit kosovar të sigurisë publikuar nga Qendra Kosovare për Studime të Sigurisë.

Ky edicion i barometrit kosovar të sigurisë sjellë përmbledhje të perceptimeve publike për institucionet e sigurisë dhe drejtësisë në Kosovë. Hulumtimi, siç u tha, është realizuar në gjithë territorin e Kosovës dhe se anketa bazohet në të gjitha profilet e njerëzve.

Ndërsa Qeveria e Kosovës, sistemin shëndetësor dhe gjyqësori, konsiderohen  institucionet më të korruptuara në vend.

Florjan Qehaja është drejtor i Qendrës Kosovare për Studime të Sigurisë. Ai tha se sa i përket Agjencisë së Inteligjencës së Kosovës qytetarët nuk janë të informuar me punën e këtij institucioni.

Sipas këtij barometri procesi i liberalizimit të vizave paraqet një ndër hapat më të rëndësishëm drejt integrimeve në BE, citon “Zeri”. Derisa të anketuarit besojnë se korrupsioni paraqet sfidën kryesore për Kosovën dhe që pengon procesin e liberalizimit të vizave në Kosovë.

Ndërsa sa i përket vlerësimit mbi punën e EULEX-it hulumtimi ka nxjerrë në pah një pakënaqësi të madhe të qytetarëve në lidhje me punën e këtij misioni.