Shfaqja në regji zvicerane shfaqet në Kosovë

Nga 1 tetori do të fillojë të shfaqet edhe në Kosovë shfaqja zvicerano-kosovare: “Love.State.Kosovo”

“Love.State.Kosovo” do të shfaqet më 1 dhe 2 tetor në Prishtinë ndërsa e njëjta do të shfaqet edhe në Prizren dhe Gjilan.

Regjisoret dhe aktoret, zvicerania Beatrice Fleischlin dhe gjermania me qëndrim në Bazel, Antje Schup, kanë udhëtuar në Kosovë dhe kanë realizuar një projekt teatror me temën e përjashtimit, diferencimit.

Secila me këndvështrimin qëllimisht naiv europerëdimor, ato kanë vëzhguar zhvillimet komplekse politike dhe sociale në krijesën e re shtetërore. Pastaj, përshtypjet e tyre, përjetimet dhe përvojat i kanë përpunuar artistikisht në performancën që e kanë realizuar së bashku me artistin e perfomancave Astrit Ismaili dhe valltarin Labinot Rexhepi, të dy nga Kosova.

Por, performanca “Love.State.Kosovo” nuk pasqyron vetëm këndvështrimet personale mbi Kosovën të katër artistëve. Ajo tematizon, me një “shkelje syri” vënien dhe kalimin e kufijve në kuadër të bashkëpunimit artistik.

Dy artistet, për të njohur më mirë realitetin kosovar kanë qëndruar disa ditë në Kosovë. Ato thonë se “janë dashuruar” në Kosovën.

Në këtë shfaqje flitet gjermanisht, anglisht, shqip, schweizerdeutsch me titrim në gjuhën gjermane.