Më shumë punë për azilkërkuesit

Azilkërkuesit duhet ta kenë më të lehtë për të gjetur një punë dhe kështu do të integroheshin më mirë. Këtë plan e ka propozuar Këshillit Federal i Zvicrës

Sekretari i Përgjithshëm i Këshillit  Zviceran për Refugjatë është i kënaqur që Këshilli Federal do të heqë ndalimin e punës për pothuajse gjysmën e azilkërkuesve. “Ky është një hap shumë i madh përpara. Refugjatët e sapoardhur mund të integrohet menjëherë”, thotë Beat Meine nga Këshilli Zviceran për Refugjatë.

Nga plani i Këshillit Federal do të përfshihen rreth 40 për qind të  azilkërkuesve. 

Do të thotë se bëhet fjalë jo për azilkërkuesit, të cilët vazhdojnë të mos kalojnë nëpër procedura të përshpejtuara, por për ata që kanë kaluar në një proces të tejzgjatur. 

Shanset e tyre për azil nuk do të cenohen. Këta njerëz duhet të lejohen të punojnë nga fillimi.

Sot aplikohet e drejta e tillë vetëm në një periudhë pritjeje prej të paktën tre muajsh. Në praktikë, ndalimi shpesh merr edhe gjashtë muaj. 

Mario Gattiker, drejtor i Zyrës Federale për Migracion, thotë se njerëzit mund të punojnë, kur ata gjejnë një vend pune që është i lirë, transmeton SRF.

Një azilkërkues vjen deri te një vend pune nëse për të nuk ka konkurruar një zviceran, një qytetar i BE-së dhe një i huaj me një leje qëndrimi të caktuar në Zvicër.

Kushti i dytë është nëse kantonet vendosin që azilkërkuesit të lejohen të punojnë kudo, ose vetëm në industritë e caktuara.

Megjithatë, Këshilli Federal i Zvicrës është duke rishikuar legjislacionin që azilkërkuesit të mund të punojnë më shumë. Për këtë çështje do të vendosë megjithatë Parlamenti zviceran.  

SVP është kategorikisht kundër heqjes së ndalimit për të punuar azilkërkuesit. Edhe CVP është  shprehur skeptike.  Përfaqësues të këtij subjekti politik thonë se në këtë mënyrë rritet atraktiviteti i Zvicrës për të tërhequr më shumë azilkërkues.