Më pak investitorë në Zvicër

Në vitin 2012 numri i investimeve të drejtpërdrejta nga jashtë në Zvicër ka shënuar rënie për 38 për qind.

Keystone

Zvicra mbetet atraktive për kompanitë e huaja, por investimet direkte kanë shënuar rënie. Firma „Ernst& Young“ thotë se në vitin 2012 numri i investimeve të drejtpërdrejta nga jashtë në Zvicër ka shënuar rënie për 38 për qind.

Zvicra së bashku me Suedinë, Rumaninë dhe Italinë janë humbësit më të mëdhenj. Në vitin 2012 ka pasur 61 projekte të investimeve të huaja në Zvicër. Do të thotë se ishte niveli më i ulët në tetë vjetët e fundit. Ndërkohë vetëm 1155 vende pune janë krijuar nga investitorët e huaj.

Megjithatë, firmat e huaja e kanë vlerësuar kufirin minimal me euron.

Kufiri minimal i kursit të euros (në raport me frangun) që e ka përcaktuar Banka Nacionale e Zvicrës në vitin 2011 është dëshmuar si i efektshëm. Kjo po gjen shprehje në zhvillimin e eksportit dhe në sigurinë e planifikimit, të cilat prej atëherë kanë shënuar rritje.