Greiçevci akreditohet ambasador në Londër

Mbretëresha Elizabeta II, në një ceremoni mbretërore, pranoi letrat kredenciale nga ambasadori i Kosovës në Mbretërinë e Bashkua, Lirim Grajçevci

Mbretëresha Elizabeta II, në një ceremoni mbretërore, pranoi letrat kredenciale nga ambasadori i Kosovës në Mbretërinë e Bashkua, Lirim Grajçevci

Ambasadori i Kosovës në Mbretërinë e Bashkuar, Lirim Greiçevci, dorëzoi letrat kredenciale te lartmadhëria e saj Mbretëresha Elizabeta II. Në Pallatin Buckingham Palace, Greiçevci i përcolli mesazhet e ngrohta nga presidentja Jajhjaga, për mbretëreshën dhe popullin britanik. 

Në një ceremoni të veçantë, ai theksoi marrëdhëniet e shkëlqyera ndërmjet Kosovës dhe Mbretërisë së Bashkuar, dhe shprehu mirënjohjen e thellë për ndihmën që Mbretëria e Bashkuar ka dhënë për lirinë, pavarësinë dhe konsolidimin e shtetit të Kosovës.

Sipas një njoftimi lëshuar MPJ, ambasadori Greiçevci gjithashtu shprehu zotimin e tij për t’i kultivuar dhe avancuar tutje raportet ndërmjet dy vendeve mike, në rrafshe të ndryshme të komunikimit dhe shkëmbimit të ndërsjellë ekonomik, kulturor dhe arsimor.

Pas ceremonisë në Pallatin Mbretëror, në pritjen e organizuar nga Ambasada e Kosovës (Vin d’Honneur), ku morën pjesë ambasadorë dhe përfaqësues të komunitetit diplomatik në Londër, përfaqësuesja e Protokollit Mbretëror përgëzoi Greiçevci për detyrën fisnike të përfaqësimit të Kosovës në Londër.

 Sipas traditës, Ambasadori Greiçevci ngriti një dolli për shëndetin e Lartmadhërisë së Saj, Mbretëreshës Elizabeta II.

Grajçevci është emëruar ambasador i Kosovës në Londër, duke zëvendësuar në këtë detyre Muhamed Hamitin.