Zviceranët, më optimistë se kurrë

Tetë nga të anketuarit ose 82 për qind e vlerësojnë të ardhmen e Zvicrës me optimizëm

Në një botë ku mbretëron pasiguria, zviceranët ndjehen çuditërisht më të sigurtë se kurrë. Sot ata e shohin të ardhmen e vendit të tyre madje me ngjyra më të ndritshme se vitin e kaluar. Edhe besimi në autoritetet dhe institucionet e vendit është i lartë, mbi mesataren e viteve tjera, tregon një studim i realizuar nga ETH Zürich, me temën „siguria”.

Tetë nga të anketuarit ose 82 për qind e vlerësojnë të ardhmen e Zvicrës me optimizëm. Vetëm në vitin 2011 ishte shënuar një shkallë pak më e lartë e optimizmit në këtë pikë, siç ka treguar studimi i njëjtë i bërë për atë vit.

Ndërsa perceptimi i përgjithshëm i popullatës për sigurinë mbetet i njëjtë: 89 % thonë se ndjehen „shumë“ ose „megjithatë“ të sigurtë. Më pak të anketuar (-7%) i shohin zhvillimet politike në botë me pesimizëm ndërsa vetëm 9 % presin një shtensionim në nivelin ndërkombëtar.

Shumica e madhe e zviceranëve dëshirojnë edhe më shumë pavarësi për Zvicrën në marrëdhëniet me vendet tjera dhe me bashkësinë ndërkombëtare. 81 për qind të tyre, që është më shumë se viteve të mëparshme, ndajnë mendimin se Zvicra duhet të mbetet sam ë shumë që është e mundur e pavarur ekonomikisht dhe politikisht.