Robben do të largohet nga Bayerni

Sulmuesi i krahut, Arjen Robben, ka njoftuar se do të largohet nga Bayern Munihu në fund të sezonit. Ylli holandez pritet t’i japë fund aventurës së tij me bavarezët pas një dekade qëndrim te kampioni gjerman.

Vetë lojtari ka bërë të ditur se në fund të sezonit do të largohet nga Bayerni. “Është viti im i fundit në Bayern. Kanë qenë 10 vjet të bukur, por është koha për ta lënë tani”, deklaroi Robben, shkruan albinfo.ch

Bavarezët po mendojnë ta freskojnë ekipin duke sjellë lojtarë të rinj, përkatësisht duke u dhënë lamtumirën veteranëve të klubit. 34-vjeçari për bavarezët ka zhvilluar 305 ndeshje, ku ka shënuar 143 gola dhe ka 101 asistime.