Vajzat myslimane duhet të mësojnë notin në Zvicër

Integrimi para religjionit: vajzat myslimane duhet të mësojnë notin, ka vendosur Gjykata Federale e Zvicrës

Një 14-vjeçare nga një familje myslimane në Aargau duhet të vazhdojë mësimin e notit në shkollë.

Gjykata Federale ka përsëritur edhe një herë vendimin që integrimi në shoqëri i popullatës myslimane është më i rëndësishëm sesa nderimi i rregullave religjioze. 

14-vjeçarja që vijon mësimin në një shkollë në Aargau, së bashku me prindërit e saj ka kërkuar më 2011 që të lirohet nga mësimet e notit në shkollë.

Kërkesa ishte refuzuar nga autoritetet. Dhe tashmë vendimi është konfirmuar dhe në instancën e fundit të Gjykatës Federale në Zvicër. Në ankesën e tyre familja ishte mbështetur në përkatësinë e tyre fetare të sektit shiit që është më rigoroz në besimin e islamit.

Po ashtu familja thotë që vajza tashmë është e pjekur për të notuar nën vëzhgimin e mësuesit. Familja gjithashtu deklaron se njerëzit e tjerë mund ta shikojnë vajzën nëpërmes dritares.

Gjykata Federale edhe në gjykimin e vitit 2008 kishte thënë se shkollimi i obliguar është më rëndësishëm sesa nderimi i rregullave religjioze.

Ndryshe nga rasti i mëhershëm, tash bëhet fjalë për një vajzë 14-vjeçe. Ky fakt u mor parasysh nga shkolla dhe mësimet e notit do të mund të mbahen ndaras nga meshkujt.