Udhëtari ndihmon në uljen e aeroplanit “Lufthansa”

Bashkëpiloti kishte dhimbje të forta nga migrena, ndërsa udhëtari që rastisi të jetë pilot jashtë detyrës ka ulur me sukses aeroplanin në Dublin. Një incident ajror ka ndodhur mbi Atlantikun e Veriut. Një pilot jashtë detyrës që ishte në bord i ka ndihmuar një kapiteni të “Lufthansës” të bëjë uljen e paplanifikuar të aeroplanit në […]

Bashkëpiloti kishte dhimbje të forta nga migrena, ndërsa udhëtari që rastisi të jetë pilot jashtë detyrës ka ulur me sukses aeroplanin në Dublin.

Një incident ajror ka ndodhur mbi Atlantikun e Veriut. Një pilot jashtë detyrës që ishte në bord i ka ndihmuar një kapiteni të “Lufthansës” të bëjë uljen e paplanifikuar të aeroplanit në Dublin.

“Lufthansa” ka konfirmuar incidentin mbi Atlantikun. Fluturimi LH403, një Boeing 747-400 me 264 pasagjerë në bord, në destinacionin nga Newarka në Nju-Jork deri në Frankfurt, ka aterruar të hënën në mëngjes në kryeqytetin irlandez, për shkak se piloti nuk ishte në gjendje të drejtojë aeroplanin nga një dhimbje e fortë e migrenës.

Gazetat irlandeze që kanë raportuar për ngjarjen, në faqen e parë të tyre kanë cituar një zëdhënëse të “Lufthansas”, e cila pasagjerin e ka përshkruar si “hero”.

“Examiner irlandeze”, raportoi se udhëtari kishte ofruar ndihmë në uljen e detyruar, por të sigurt të aeroplanit në aeroportin e Dublinit.

Pasagjeri, njëkohësisht pilot jashtë detyrës, ishte i licencuar për Boeing 767 në një linjë ajrore të Amerikës së Veriut.

Aeroplani kishte mbërritur në aeroportin e kryeqytetit irlandez rreth orës 5.30. Bashkëpilotit të sëmurë i është ofruar trajtimi i nevojshëm mjekësor, për të vazhduar në destinacionin e përcaktuar me 6 orë vonesë.