Shaqiri kundër Neymarit, cili yll do të shkëlqejë

Janë pikërisht mediat e shumta ndërkombëtare që krahasojnë Shaqirin me Neymarin, si dy lojtarët më të rëndësishëm në ekipet e tyre

Nga ora 20:00 zhvillohet super dueli ndërmjet Brazilit dhe Zvicrës, e para për këto dy ekipe në Grupin E.

Ky duel përveç që do të jetë interesant për këto dy skuadra, ka edhe një duel ndërmjet Xherdan Shaqirit dhe Neymarit, shkruan albinfo.ch.

Janë pikërisht mediat e shumta ndërkombëtare që krahasojnë Shaqirin me Neymarin, si dy lojtarët më të rëndësishëm në ekipet e tyre.

Shaqiri gjithmonë ka qenë në formë të lartë për Zvicrën, derisa brazilianët presin shumë nga Neymari.

“Marcelo duhet të jetë i shqetësuar sepse përveç detyrës në mbrojtje duhet të kujdeset për të mbuluar Shaqirin, i cili është kyç te Zvicra”, shkruan “The Sun”.

“Të gjithë sytë do të jetë tek Neymar. Brazili pret shumë nga ai”, shkruan tutje prestigjiozja angleze.