Zvicra ndihmon zhvillimin e “Frutave të Kosovës”

Njëri që ka fërfituar nga SDC-ja është Blerim Shefkiu nga Gjilani, i cili e ka të sigurt tregun për shitjen e dredhëzave, mollëve edhe kumbullave

Prishtinë. Zyra Zvicerane për Zhvillim dhe Bashkëpunim (SDC) në koordinim me institutin Riinvest në Prishtinë, kanë ndihmuar pemtarët e Kosovës që të shesin produktet e tyre me një brned të ri “Frutat e Kosovës”.

Ai që ka fërfituar nga SDC-ja dhe Riinvest-i është Blerim Shefkiu nga fshati Përlepnicë i komunës së Gjilanit, i cili tashmë e ka të sigurt tregun për shitjen e dredhëzave, mollëve edhe kumbullave.

“Kjo është një ndihmë e madhe për prodhuesit vendorë. Prodhimet tona tani identifikohen, konsumatorit po i ofrohet një siguri më e madhe me të dhënat e detajuara për vendin e prodhimit, prodhuesin dhe kohën e vjeljes. Na kanë ndihmuar edhe me gjetjen e tregut”, ka thënë Shefkiu, raporton “Koha”.

Sipas tij, pemëtarët janë ndihmuar edhe me mjete materiale dhe këshilla profesionale nga SCD-ja zvicerane dhe Institutit Riinvest.

Nga kjo e javë nëpër të gjitha shitoret e Koosvës do të jenë të eskpozuara për shitje frutat vendore me pamje, paketim e emërtim të ri “Frutat e Kosovës”.

“Instituti Riinvest, i mbështetur nga Zyra Zvicerane për Zhvillim dhe Bashkëpunim (SDC), pas një angazhimi 18-mujor kanë finalizuar njërin prej aktiviteteve në fushën e hortikulturës e që në esencë ka pasur themelimin e një brendi të përbashkët të prodhimit të frutave vendore, ‘Frutat e Kosovës”, tha Lumir Abdixhiku, drejtor i Riinvestit.

Në këtë periudhë, sipas tij, prodhuesit e frutave kosovare janë bashkuar dhe nën ombrellën e Unionit të Pemëtarëve të Kosovës kanë themeluar brendin e ri.

Abdixhiku më tej përshkruan natyrën e punës dhe idenë për këtë brned.

Ai tha se procesi i fascilitimit dhe krijimit të brendit ka pasur tri faza.

“Në fazën e parë është bërë bashkimi i gjithë përfaqësuesve në zinxhirin prodhues, përfshirë kultivuesit e frutave dhe shitësit e tyre nëpër gjithë Kosovën. Në fazën e dytë janë zhvilluar standardet e brendit dhe kriteret dhe faza e fundit është marrë me dizajnimin dhe paketimin e produkteve në fjalë”, tha ai.