“Trepça” përfiton mbi 10 milionë euro nga kontrata me një kompani zvicerane

Menaxhmenti aktual i kombinatit “Trepça”, pretendon t’i fusë në investime kapitale, milionat që do t’i fitojë nga shitja e koncentratit.

Nga shitja e pesë mijë tonëve koncentrat të plumbit dhe zinkut, “Trepça” të pritet të përfitojë mbi 10 milionë euro. Për një ton koncentrat minerar të plumbit, kompania që ka fituar tenderin për blerje, “Glencore International”, do t’i paguajë 2 mijë e 639 dollarë amerikanë.

Kthyer në euro, i bie që një ton i lëndës së parë minerare të plumbit të shitet me çmimin prej 2 mijë e 100 eurosh, shkruan Koha Ditore.

E për koncentratin e zinkut, kontrata parasheh çmim më të ulët. Një ton koncentrat minerar i këtij metali do të shitet për 615 dollarë amerikanë, ose 591 euro. Kontrata e re me kompaninë zvicerane është firmosur më 16 maj. Të njëjtës kompani i pati skaduar kontrata e blerjes së xeheve nga “Trepça” në ditën e fundit të vitit 2011./albinfo&KD/