Në Shqipëri, mbështetet parada gay

Përfaqesues të lartë të ambasadave, Avokati i Popullit, si dhe pjesëtare të organanizatave për mbrojtjen e të drejtave të njeriut, por edhe të organizatave LGTB, kanë hapur sot Festivalin e Diversitetit.

17 maji është Dita Nderkombetare Kunder Homofobise dhe Transfobise, ndaj ambasadori i vendeve të ulëta, Van Den Dool dhe ambasadori amerikan Alexander Arvizu kanë përshëndetur këtë aktivitet, duke kërkuar respektimin e të drejtave të njeriut, raporton TCH.

Ky aktivitet eshte përshëndetur nga Avokati i Popullit, zëvendësiministrja e Punës dhe përfaqësues të tjerë të Bashkimit Europian. Kurse Altin Hazizaj ka theksuar se shqiptarët janë ende homofobikë.

“Kuvendi i Shqipërisë duhet të shikojë mundësinë që sa më parë të miratojë ndryshimet që adresojnë përdorimin e gjuhës së urrejtjes dhe nxitjen e krimeve kundër komunitetit LGTB dhe çdo komuniteti tjetër në Shqipëri”, tha Hazizaj.

Në kohen kur komuniteti LGBT po zhvillonte aktivitete me rastin e Ditës Ndërkombëtare të tyre , Forumi Mysliman Shqiptar ka zhvilluar një manifestim në mbrojtje të vlerave të familjes të shoqerise shqiptare.Ata jane shprehur kundër komunitetit LGBT në Shqipëri.

Aktivitetet në Ditën Ndërkombëtare të Komunitetit- LGBT, kanë ngjallur debate ditë më parë, përveç njerëzve të thjeshtë edhe në radhet e politikanëve.