Shtyhet gjykimi kundër Mlladiqit

Shkaktar është bërë Prokuroria e Tribunalit Ndërkombëtar në Hagë

Mënyra se si janë paraqitur provat nga prokuroria kishte detyruar Alfons Ori, kryesuesin e panelit gjyqësor në gjykimin e Ratko Mlladiqit, për të shtyrë për një afat të pacaktuar procesin gjyqësor.Prokuroria e Tribunalit Ndërkombëtar në Hagë ka qenë ligjërisht e detyruar t’ia dorëzojë disa dëshmi mbrojtjes së Mlladiqit.

Prokuroria ka pranuar gabimet që ka bërë duke mos i dorëzuar dëshmitë në fjalë, dhe nuk është ankuar në vendimin për të shtyrë gjykimin.

Ori ka thënë se gjykatësit janë duke analizuar pasojat e këtij veprimi.

Gjykatësi ka thënë gjithashtu se gjykimi do të vazhdojë sa më shpejt që të jetë e mundur.

Mbrojtja e Mlladiqit, ndërkaq, ka kërkuar një pushim gjashtëmujor të gjykimit.

Mlladiqi akuzohet se ka udhëhequr masakrën e vitit 1995 ku tetë mijë burra dhe djem myslimanë janë vrarë në enklavën boshnjake të Srebrenicës, që konsiderohet si masakra më e madhe që nga Lufta e Dytë Botërore.

Mbi të, po ashtu, rëndon akuza e orkestrimit të rrethimit 44-mujor të Sarajevës nga forcat serbe të Bosnjës, i cili shpërtheu në luftë.

Konflikti vlerësohet të ketë lënë rreth 100 mijë të vrarë dhe mbi 2.2 milionë të pastrehë.Ekspertët thonë se gjyqi ndaj Mlladiqit mund të zgjasë deri në tre vjet, Po, qe se dënohet, ai përballet me burgim të përjetshëm, që është edhe dënimi maksimal.