Pensionohet çiklisti më i vjetër në botë, Robert Marchand

Vendimi për të hequr dorë nga çiklizmi vjen pasi sportisti përgjatë këtyre vjetëve ka thyer disa rekorde në kategorinë mbi 100-vjeçare

Çiklisti francez, Robert Marchand, është pensionuar në moshën 106-vjeçare, njoftoi miku i tij.

Vendimi për të hequr dorë nga çiklizmi vjen pasi sportisti përgjatë këtyre vjetëve ka thyer disa rekorde në kategorinë mbi 100-vjeçare, derisa kishte kaluar një shteg prej 22.52 kilometrash për një orë.

Veprimi i tij, në një shteg të brendshëm në Paris solli mbulim të jashtëzakonshëm nga mediat, por edhe famë ndërkombëtare për Marchand, amator, i cili ka më shumë se 90 vjet që është i lidhur ngushtë me biçikletën.

Për ish-zjarrfikësin, nuk është e pazakontë thyerja e rekordeve.

Shpejt pas ditëlindjes së tij të 100-të, ai u bë çiklisti më i shpejtë në këtë moshë për të kaluar 100 kilometra. Në moshën 102-vjeçare ai shkoi mbi 27 kilometra për një orë.

I lindur në vitin 1911 në Francën veriore, Marchand filloi të ngiste biçikletën kur kishte 14 vjet, por seriozisht filloi të merrej me çiklizëm pasi mbushi 67 vjet.

Pensionimi i tij,  në një moshë dyfish më të shtyrë  se pensionistët mesatarë në Francë, dhe tre apo katër herë më shumë se mosha që një sportist vendos të pensionohet, është raportuar nga agjencia e lajmeve AFP pas njoftimit të një miku të tij.