Të moshuarat në Afrikën e Jugut, me boks kundër vetmisë

“Në fillim bënim ushtrime shumë të thjeshta, por gratë deshën diçka më shumë dhe në atë kohë filluam me boks dhe që nga ajo kohë nuk u ndalen kurrë”, tha trajneri

Boksi është sport i fortë, por ashtu duken të jenë edhe disa të moshuara në Cosmo City, lagje kjo në kryeqytetin e Afrikës së Jugut, transmeton albinfo.ch. Në moshën mes 75 dhe 80 vjet, ato boksojnë për të luftuar kështu dhimbjen në trup që ua ka sjellë mosha dhe ta mbajnë vetën në formë.

Në një palestër që ato e vizitojnë, janë dy sesione në javë në të cilat përfshihen ushtrimet për zemër dhe boks, sikurse që është goditja e thesit. Eventualisht mund të sfidojnë njëra-tjetrën brenda ringut.

Sipas trajnerit Nkobile Kumalo, të moshuarat e filluan këtë praktikë duke bërë aerobik si pjesë e programit të veçantë që kishte organizuar palestra para pesë vjetësh për të moshuarit.

“Në fillim bënim ushtrime shumë të thjeshta, por gratë deshën diçka më shumë dhe në atë kohë filluam me boks dhe që nga ajo kohë nuk u ndalen kurrë”, tha trajneri. Anëtaret e palestrës janë bërë mike të mira, fakt i cili shumicës prej tyre u ndihmoi që të luftojnë edhe vetminë e izolimin që vjen me moshën.

Germina Maluleka është 76-vjeçare. Ajo iu bashkua palestrës në vitin 2012, kur u zhvendos në këtë lagje, pasi shiti shtëpinë e saj për të paguar dorëzaninë për djalin e saj. Së fundi u diagnostikua me kancer. Ajo tha se boksi i ka dhënë shpresë.