Doganat, më pak të hyra në fillim të këtij viti

Deri tash janë grumbulluar mbi 146 milionë euro. Në të njëjtën periudhë të vitit të kaluar ishin grumbulluar më shumë se 154 milionë euro

Doganat e Kosovës në jacët e para të këtij viti kanë grumbulluar më pak mjete në kufij se që kishin grumbulluar në 13 javët e parë të vitit të kaluar.

Deri tash, në arkën e shteti nga të hyrat në kufij janë derdhur 146 milionë e 288 mijë euro. Ndërsa, në të njëjtën periudhë të vitit të kaluar ishin grumbulluar 154 milionë e 470 mijë euro.

Krahasuar më vitin e kaluar të hyrat në 13 javët e para të këtij viti janë grumbulluar 8 milionë e 146 mijë euro më pak, raportojnë mediat kosovare.

Drejtori i Doganave të Kosovës, Naim Huruglica, këtë e ka arsyetuar me motin e ftohtë që kishte mbretëruar gjatë dy muajve të parë të këtij viti.

Kjo sipas tij, ka pasur ndikim edhe në të hyrat, pasi në masë të madhe ato varen nga importi.