Thaçi të martën pritet të takohet me Obaman

Kryeministri i Kosovës Hashim Thaçi është nisur për në SHBA. Kryeministri do të pritet, të martën, më 3 prill nga presidenti Barack Obama në Zyrën Ovale.

Delegacioni i Kosovës gjatë kësaj vizite do të zhvillojë takime edhe me zëvendëspresidentin e SHBA-së, Joe Biden, Sekretaren Hillary Clinton, ish -sekretaren Madeline Albright dhe kongresistë e senatorë tjerë.

Ndërsa, me ftesë të ambasadorit Cristopher Hill do të qëndrojë në Denver, ku do të mbajë ligjërata në dy universitete, raportojnë mediat kosovare, duke u thirrur në burimet e tyre.

Sipas mediave Thaçi do të qëndrojë edhe në New York ku do të takohet me Sekretarin e Përgjithshëm të OKB-së, Ban Ki-moon dhe ambasadorë të vendeve të ndryshme në OKB.