Wisner: Shtetet nuk do ta bazojnë njohjen e pavarësisë në marrëveshje, por në interesat e tyre

Ai ka thënë se Rezoluta 1244 do të hyjë në histori si një lëmsh i pakuptimtë ligjor

Ish-negociatori i SHBA-së në bisedimet për statusin e Kosovës, Frank Wisner, ka thënë se marrëveshja për përfaqësimin rajonal nuk e dëmton sovranitetin e Kosovës.

Ai ka thënë se Rezoluta 1244 do të hyjë në histori si një lëmsh i pakuptimtë ligjor.

Shtetet, sipas tij, 　nuk do ta bazojnë njohjen e pavarësisë në këtë marrëveshje, por në interesat e tyre.

“Marrëveshja bën të mundur që Kosova të jetë e pranishme dhe të marrë pjesë në diskutimet që kanë të bëjnë me të ardhmen e Ballkanit dhe Evropës si dhe do të ndihmojë në definimin e rolit të Kosovës në këto rajone”, ka deklaruar Wisner në një intervistë për të përditshmen “Express”.

Sipas tij, pas 24 shkurtit Kosova ka ecur drejt një niveli shumë më të lartë të bashkëpunimit me BE-në, në mënyrë që të avancohet prospekti i Kosovës që një ditë të jetë pjesë e BE-së.

Shtetësia e Kosovës është legjitimuar dhe, sipas tij, ka nevojë askush që ta vërë këtë në pikëpyetje.