Bie bora e parë në këtë sezon

Natën e mbrëmshme ka rënë borë për herë të parë në këtë stinë në shumicën e territorit të Zvicrës. Sipas shërbimit meteorologjik të cilit i referohet televizioni SF, sasia e borës së rënë mbrëmë ka qenë jo e madhe.

Ndërsa në vendet e rrafshëta nuk pritet që gjatë ditës reshje e re, më e madhe e borës, në lindje të vendit dhe rrëze Alpeve do të vazhdojë reshja.

Për shkakun se temperaturat janë kryesisht të ulëta, ekziston mundësia që bora e rënë të mbetet, dhe duke u shtresuar kështu ka rrezik që gjatë ditëve në vijim rrugët të mbulohen nga akulli.