Bllokohen mërgimtarët në kufij

Presin me orë të tëra në pikat kufitare Dheu i Bardhë dhe Merdare.Arsye për këtë është thënë të jetë mungesa me energjinë elektrike

Autoritete doganore të Serbisë vazhdojnë t’u shkaktojnë probleme qytetarëve kosovarë në pikat kufitare të Merdarës atë te Dheu i Bardhë, në rajonin e Gjilanit.

Zëdhënësi i Policisë së Kosovës, Baki Kelani ka thënë për mediet në Prishtinës se në bazë të kontakteve që i kanë me autoritetet serbe, arsye për këtë kolonë është procesi i regjistrimit të të dhënave. Po ashtu autoritetet kufitare kanë thënë se për këto vonesa në pikat kufitare është evidente edhe problemi me energjinë elektrike.

Sipas policisë, këto kolona në pikat kufitare, Merdare dhe te Dheu i Bardhë, arrijnë deri në katër kilometra.

Zëdhënësi i Policisë së Kosovës, Baki Kelani thotë se në bazë të kontakteve që kanë me autoritetet në Serbi, ata kanë thënë se janë duke bërë të pamundurën për të evituar këto probleme, mirëpo gjendja vazhdon të mbetet e njëjtë edhe më tutje.